هنـــــــــــــــــــــــــــــــــــــــــــا

هنا مصدر الحسره .. ومصدر الاهات

هما تكره وجهنه حته المرايات
هنا العدلين لايوجد مكان ألهم.. أثاري هلوطن محجوز للأموات

ابوطنه الامهات معصبات .. ولابسات الحزن احلى اكلاده
وبوطنه الدمع شك خد الايتام.. والضحك شكك احلوك القاده

هنا كلش قوي الاعلام .. كالوا حل اكو كدام
فدوه الراح لحد يلطم ويبجي .. ويكسر الجام
مو خاف الامريكي يلوح عينه اكزاز .. ويرجع حكم يشبه حكم صدام

بعهد صدام جام البيت مكسور .. ومن البرد ليلك ما تنامه
هسه البيت زين وصار بيه جام .. بس كلب العراق انكسر جامه