من منتدى السياب للشعر الشعبي للشاعر هيثم كريم البيضاني

لم الشمل

صبرا يا وطن لتدنك الهـــــــــــــــام --------------- مد جفك الربك واطلب العــــــون
ما تنذل يشامخ هاي هيــــــــــــــهات --------------- وانته البيك ابو الحسنين مــــدفون
سنة اوشيعة نحمل اسم الاســـــــــلام --------------- اوكل عثره ابدربنه اتولي وتــهون
شامخ يا وطن يالكلك امجــــــــــــــاد --------------- منك شرعوا لـــــلناس قـــــــانون
لف اعمامه خضره اوهل بـــقت ذيج --------------- مــرتفعة الــــمنابر لـــــــــليأذنون
شمسنه اليوم طلعت وانجله الـــــــغيم --------------- اوبلال ابصوته كبر للـــــــيصلون
وامسح دمعتك كافي ابتــــــسم عــــاد --------------- لان ماضل دمع تبجيه العــــــيون
احب اللي يحبك ياوطن مـــــــــــــوت --------------- واخليه اليحبك وسط الاحـــــضان
اخوان اوماتفرقــــــــــــــــنه الاشاعات --------------- رب واحد خـــــلقنه اوشته الاديان
ولا عدنه فرق بالـــــــــــــــــــمذهبيات --------------- اذا يغرك الشـــيعي ايطلعه عثمان
اخوي انته اواريدك ساعة الـــــــــضيج --------------- السفينة اشلون تمــشي ابلايه ربان
فقر الدم يولي اوفقر الامــــــــــــــوال --------------- بس يكسر ظهر يافقر الاخـــوان
ايد الوحده ابد ما صـــــــــــــفكت يوم --------------- الا اثنين ادينه اوعـــــــدنه برهان
ايد تمسح عرك من كـــــصت الايطيح --------------- وايد الثانية لــــــــــتعلي بـــــنيان
تعال اوخلي نبني استارت الـــــــــــبيت --------------- اجانب طبو اوبالــــــــبيت نسوان